.settimana Santa   .vattienti   .strumenti di flagellazione   .canti   .percorso processione

La morte de Gesù

La morte de Gesù, Maria l’affannu,
Cristo fhù fragellatu a ra culonna,
fhù d’abbattuto de cientu tiranni,
Juda chi lu tradiu nun si lu sonne.
Guarda cchi chjanti chi fad’a Madonna,
curri Giuanni e cunsula Maria.
Dimmi, Giuanni, cchi nova mi puarti,
dimmi si lu miju figliu è vivu o muartu.
S’è vivu o muartu nui lu troveremo,
la via de Cafassu nui fhacimu.
Nne c’arrivamu a cchira gran cittate
ddra la dunamu na scriddrente vuce.
Chissi su chiri piedi chi lavave
‘n casa de Simune e Matalena.
Viju venire na cavalleria
li chijova e ri marteddra priparati.
O masthri, chi fhaciti pierni e chijova,
fhanne nu paru a mija luanghi e suttili.
Fanne nu pare a mije luanghi e suttili
ca’ne passare si carni gentili.
Nu n’nnamu nnè cchijù de fhierru e nnè cchijù d’azzaru
sinnò ti li fharrìa de nu cantaru.
E nnè cchi ‘ntise ssa nova Maria
de fhaccia ‘nterra si vulie jettare.
Scurau ru cielu e scuraud’ a terra
scurau Maria ch’ere tanta bella.
Scurau ru cielu e scuraud’ a terra,
scurau Maria ch’ere tanta bella.

trascrizione testi a cura di Natalia Mendicino